Qısa məlumat üçün qeyd edək ki, 2002-ci ildə fiziki şəxs kimi Rusiya istehsalı olan az sayda Qazel markalı mikroavtobusla 65 saylı xətt üzrə xidmət göstərməyə başlayan şirkət , sonra 2004-cü ildə “Xaliq Faiqoğlu” MMC təsis etmiş və 50 ədəd xırdatutumlu Mercedes Benz markalı mikroavtobusları 18 və 65 saylı marşrut xəttləri üzrə istismara vermişdir.

2006-2007-ci illərdə iritutumlu 25 ədəd İveco Eurociti markalı avtobuslar 65 saylı marşrutda istismara buraxılmış əlavə 79 saylı marşrut xətti istifadəyə verilmişdi;
Sonrakı illərdə Türkiyə, Koreya istehsalı olan avtobusar istismara buraxılmışdır.
Yəni şirkətin qısa tarixçəsi haqqında bu qədər.
Şirkətin sahibi Faiq Seyidovun adı onun oğlu Xaliq Seyidovun 2014-ci ildə Bakıda qəza törədərək piyadanı vurub öldürməsi ilə gündəmə gəlib.
Sonra Faiq Seyidovun oğlu hansı yollasa, bu cinayət əməlindən canını qurtara bilmişdi.
Hələ 2014-cü ildə Faiq Seyidovun adı Prezident Administrasiyasının o zamankı rəhbəri Ramiz Mehdiyevlə birgə hallandı, hətta şərik olduqları mediada qeyd olundu.
Sonrakı illərdə Xaliq Faiqoğlunun adı keçmiş şəriki Azadxan Xanməmmədovun həbs olunması məsələsində hallandırıldı.
Daha sonra Xaliq Faiqoğlunun adı şəhid ailələrinin adına olan marşrut xətlərinin özününküləşdirməsində də çox hallanıb.
Biz Ramiz Mehdiyevin adını əbəs yerə çəkmədik.
Bəli, Gündəlik-Bakı dəfələrlə yazıb ki, Ramiz Mehdiyevin “oxrana”sının rəisi Təhməz bütün günü “Xaliq Faiqoğlu” şirkətinin ofisinin qabağında nə edir ?
Xaliq Faiqoğlunun adı daha nələrdə hallanmayıb..?
Gözü yaşlı ana fəryad edir ki, oğlum Xaliq Faiqoğlunun qarajında faciəli şəkildə ölüb:
“Hələ 18 yaşı tamam olmayan oğlum şirkətin qarajında elə ilk iş günü faciəli şəkildə ölüb. Şirkət isə deyir, oğlunu işə rəsmi qaydada götürməmişdik, ona görə də başına gələnlərin bizimlə əlaqəsi yoxdur”.
Zavallı ana deyir ki, mən onun işləməsinə razı deyildim, deyirdim, bu gün-sabah 18 yaşın tamam olacaq, əsgərliyə gedəcəksən, qayıdandan sonra işləyərsən:
“Mənə qulaq asmadı. Avqustun 11-də işdən gəldim, oğlum dedi ki, Təbriz üzbəüz qarajda özünə iş tapıb, bu gündən işə çıxıb. Həmin gün axşam saat 8-də getmişdi, işi də gecələr qaraja toplaşan avtobusları yuyub təmizləməkdən, dezinfeksiya etməkdən ibarət olub. Elə ilk iş günündə - bir neçə saatdan sonra Təbriz faciəli şəkildə dünyasını dəyişib”.
Təsəvvür edirsiniz, Xaliq Faiqoğlu hətta ölən cavan oğlana görə, onun ailəsinə quru başsağlığı da verməyib.
Zavallı ana hadisə yerindəki kameraların açılmasını tələb edir, amma cənab Faiqoğlu buna imkan vermir…
Bunlar hələ harasıdır..?
Xaliq Faiqoğlu şirkətindəki sürücüləri 44 günlük Qarabağ savaşında döyüş bölgəsinə xidmət üçün göndərib.
Həmin sürücülər bu günədək öz ezamiyyət xərclərini Xaliq Faiqoğludan ala bilmirlər.
Sözün qısası, Faiqoğlu şirkəti ilə bağlı problemlər yazmaqla bitən deyil.
Bu gün Gündəlik-Bakıya daxil olan məlumata görə, Xaliq Faiqoğlunun şirkətinə daxil olan avtobusların sərnişinləri ciddi etiraz ediblər ki, niyə avtobuslarda kondisioner işləmir.
Hətta sərnişinlər sürücülərə qarşı kəskin etirazlar ediblər.
Sürücülər isə deyir ki, bu barədə şirkətin sahibi Xaliq Faiqoğluna xəbər verəndə deyib ki, boş verin, mən kondisionerə pul xərcləyə bilmərəm.
Sözün qısası, Xaliq Faiqoğlu üçün qanun-filan yoxdur. Onun bir qanunu var, o da Ramiz Mehdiyevdir. Vəssəlam.
Qarşı tərəfin mövqeyini dərc etməyə hazırıq.
P.S Hal-hazırda hava soyuq olsa da bir neçə gün öncə hava çox isti idi. //gundelik-baku.com// XalqXeber.Az
Arzu Rəhimovun Masallıdakı kadrından XƏBƏRİ VARMI? - İTTİHAM
Bu gün, 11:07 35
Arzu Rəhimovun Masallıdakı kadrından XƏBƏRİ VARMI? - İTTİHAM


Məlumdur ki, bir neçə il öncə Müdafiə Nazirliyinin tabeliyində olan Azərbaycan Respublikasının Hərbi Komissarlığı, Naxçıvan Muxtar Respublikasının Hərbi Komissarlığı, rayon, şəhər hərbi komissarlıqları ləğv edildi və onların əsasında Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidməti ( SHXÇ ) yaradıldı.
Üstəlik on illərlə fəaliyyət göstərən Könüllü Hərbi Vətənpərvərlik Texniki İdman Cəmiyyətinin ( keçmiş DOSAAF ) dəyəri 100 milyonlar olan maddi-texniki bazası yeni quruma verildi.
Heç kim demədi ki, DOSAAF dövlət qurumu deyil, könüllü yardım cəmiyyətidir. Yüz minlərlə insanın üzv olduğu cəmiyyəti necə dövlət qurumuna vermək olar..?
Amma PA-nın o zamankı rəhbəri Ramiz Mehdiyevin sehrli əli məsələni həll etdi.
Nə isə…keçək əsas məsələyə…
Çoxları hesab edir ki, SHXÇ Dövlət Xidməti ancaq yaşı çatan gəncləri orduya çağırmaq üçündür. Əslində isə bu Dövlət Xidmətinin əsas işi gənclərin hərbi-vətənpərvərlik RUHUNDA TƏRBİYƏSİ, hərbi xidmətə çağırışaqədərki HAZIRLIĞI, xüsusi hərbi İXTİSASLAR üzrə hazırlığı və digər məsələlərdir. Hətta qurum sürücülük vəsiqələri də verir…
Yəni qurumun işi vətəndaşa “povestka” verməklə bitmir.
Bu qurumun hər rayonda şöbəsi fəaliyyət göstərir.
Biz qurumun özündə baş verən korrupsiya halları ilə bağlı Gündəlik-Bakı olaraq kifayət qədər yazdığmız üçün bu məsələ üzərində dayanmırıq.
Əslində qurumun rəhbərliyinin və müavinlərinin qanunsuz əməlləri barədə əlimizdə kifayət qədər məlumatlar var.
Ancaq bu yazıda konkret olaraq qurumun Masallı rayon şöbəsində baş verən qanunsuzluqlardan bəhs etmək istəyirik.
Bəli, media üzərindən apardığımız araşdırma zamanı bəlli oldu ki, gənc çağırışçıları əsgəri xidmətə yola salan zaman tədbirdə çıxış edən Səfərbərlik və Hərbi Xidmətə Çağırış üzrə Dövlət Xidmətinin Masallı Rayon Şöbəsinin rəisi, polkovnik-leytenant Vəli Rzayev vətən qarşısında borcunu yerinə yetirməyə yola düşən çağırışçıları, onların valideynlərini və yaxınlarını təbrik edərək ordu quruculuğu prosesində qazanılmış uğurlardan söz açıb. Hər bir Azərbaycan əsgər və zabitinin hərbin sirlərinə dərindən yiyələnərək şəhidlərimizin qisasını almaq üçün çalışmalı olduğunu vurğulayıb.
Səfərbərlik və Hərbi Xidmətə Çağırış üzrə Dövlət Xidmətinin Masallı Rayon Şöbəsinin rəisi, polkovnik-leytenant Vəli Rzayev Azərbaycan Prezidenti, Ali Baş Komandan İlham Əliyevin həyata keçirdiyi tədbirlər nəticəsində Silahlı Qüvvələrimizin hazırda regionun ən güclü ordusuna çevrildiyini diqqətə çatdırıb.
Gördünüzmü, Vəli Rzayev necə vətənpərvərlikdən danışır.
İndi isə keçək real faktlara və görək, əslində Vəli Rzayev kimdir..?
Vəli Rzayevin bir gözü görməyən vətəndaşı sağlam adı ilə orduya göndərməsi barədə mediada çox yazılıb.
Görəsən bunu dövlət orqanları oxumur, görmürlər..?
Belə ki, Masallı rayon, Ərkivan qəsəbə sakini, Ağazadə Gündüz Çingiz oğlu 2019-cu ilin oktyabr ayında hərbi xidmətə çağırılıb. Hər kəsə məlumdur ki, hərbi xidmətə çağırılan qulluqçular, öncə tibbi müayinədən keçməli və əgər sağlamlıqlarında bir problem yoxdursa, hərbi xidmətə yararlı hesab olunmalıdırlar. Təəssüflər olsun ki, Gündüzün məsələsində hər şey əksinə olub. Belə ki, vətəndaş müayinədən keçdikdən sonra, onun sağ gözünün 0.01 % gördüyü məlum olmuşdur.
Gündüzün gözündəki problem sonradan olmayıb, anadangəlmədir. Yəni, bunun bir müalicəsi yoxdur!
İndi gördünüzmü, 1 faiz görməyəni orduya göndərirlər, amma yüzlərlə sağlam çağırışçı pulunu verib ordudan yayınır.
Təsəvvür edin ki, həkimlər özü də təsdiq edir ki, çağırışçının gözü 1 faiz görmür, amma rəsmi sənəd vermirlər, rüşvət istəyirlər.
Bu çağırışçı vaxtilə Rusiyanın ən nüfuzlu dövlət xəstəxanalarında müayinə olunub, əlində rəsmi sənədlər var, amma…
Əmması odur ki, Masallının “voyenkomu” Vəli Rzayev deyir ki, pulunu ver, təsdiq edim.
Hətta, Vəli Rzayev vətəndaşa deyir ki, get hara istəyirsən şikayət elə….
Eyni zamanda bu məsələ ilə bağlı vətəndaş Azərbaycan Respublikasının Prezidenti Cənab İlham Əliyevə, Birinci Vitse-prezident Mehriban xanım Əliyevaya və Müdafiə naziri Zakir Həsənova dəfələrlə rəsmi müraciət etsə də hamısı cavabsız qalıb.
Vətəndaş tələb edir ki, bu işdə günahkar olan, vəzifəsini düzgün icra etməyən Masallı rayonu hərbi komissarı Vəli Rzayev və digər şəxslər cəzalandırılsın!
P.S. Növbəti yazıda Masallı hərbi komissarlığının binasının necə və neçəyə təmir olunmasını araşdırmağa çalışacağıq.
Yazıda müxtəlif saytların materiallarından istifadə edilmişdir.
Qarşı tərəfin mövqeyini dərc etməyə hazırıq. (gundelik-baku.com)
Ölkəpress.com