Çeçenistan rəhbəri Ramzan Kadırov Dövlət Dumasının deputatı Adam Delimxanovla birlikdə İnstaqramda canlı yayıma çıxıb və onun xəstəliyi ilə bağlı yayılan xəbərləri təkzib edib.
Bİzimyol.info xəbər verir ki, sosial şəbəkələrdə Kadırovun öldüyü iddiası ilə bağlı məlumatlar yayılıb. Həmçinin Delimxanovun xəsarət alması ilə bağlı xəbərlərdən sonra itkin düşdüyü iddia edilib.

"Yavaş-yavaş yaşayırıq. Onsuz da çox yaşamaq istəmirik. Qısa da olsa, Allahın verdiyi ömrü ləyaqətlə yaşayacağıq", - deyə Kadırov canlı yayımda bildirib.

Öz növbəsində, Dəlimxanov telefonda özünün də qeyd etdiyi kimi, xüsusilə inanmayanlar və dedi-qodular yayanlara salamat olduğunu sübut etmək üçün iyulun 2-ni tarini göstərib: “Biz qarşıya qoyulan vəzifələri yerinə yetirməyə davam edəcəyik. Həmçinin bütün şeytanlara və qeybət edənlərə demək istəyirik: "Axmat" gücdür”, - Delimxanov deyib.

Canlı yayımdan bir neçə saat əvvəl Çeçenistanın rəhbəri Ramzan Kadırov Telegram kanalında yazıb ki, Rusiya hərbçiləri Kremennaya yaxınlığında Ukrayna Hava Hücum Qoşunlarının 95-ci hücum briqadasının diversiya-kəşfiyyat qrupunu (DKQ) məğlub ediblər. "Ukrayna Silahlı Qüvvələrinin beş döyüşçüsü əsir götürülüb", - deyə o qeyd edib.

"Kremennaya yaxınlığındakı Serebryansky meşəlik ərazidə uğurlu hücum əməliyyatları zamanı Ukraynanın hava-desant-hücum qoşunlarının 95-ci hücum briqadasının DKQ-si məğlub edildi. Toqquşma nəticəsində altı ukraynalı hərbçi məhv edildi, beşi əsir götürüldü. Hörmətli qardaş, xüsusi təyinatlı "Axmat" komandirinin müavini İsmayıl Qonşayev Oxotnik əsir Aleksandr Voloşçukla həvəslə danışır", - deyə Kadırov hərbi əsirlərdən birinin danışdırılması ilə bağlı yayılan videoya işarə edərək yazıb.

Çeçenistan rəhbəri yaralı məhbuslara lazımi tibbi yardımın göstərildiyini də qeyd edib.