ABŞ indiki vəziyyətində Çinlə hərbi qarşıdurma olacağı təqdirdə qalib gələ bilməyəcək.
Bizimyol.info xəbər verir ki, bu fikri bazar günü “The Wall Street Journal” Vaşinqtonda yerləşən Strateji və Beynəlxalq Araşdırmalar Mərkəzi ("CSIS") hesablamalarına istinadən bildirib.

"CSIS" ekspertlərinin fikrincə, Ukrayna ətrafındakı vəziyyət Amerika hərbi-sənaye kompleksinin problemlərini, xüsusən də lazımi silahların zəifliyini və istehsalın artırılmasındakı çətinlikləri aşkarlayıb ki, buna görə ABŞ ordusu tezliklə potensial regional münaqişə ilə üzləşəcək gücə sahib deyil. "CSIS" mütəxəssisləri tərəfindən tərtib edilən Tayvan boğazında ABŞ-Çin müharibəsinin təxminən onlarla ssenarisində ABŞ bir həftə ərzində bütün hava-yer raketlərini, eləcə də uzaq mənzilli dəqiq gəmi əleyhinə raketlərini istifadə edə bulər.

Qəzetin qeyd etdiyi kimi, problemin bir hissəsi ABŞ hərbi-sənaye şirkətlərinin maliyyə risklərinə görə silah-sursat istehsalı üçün Pentaqonla uzunmüddətli müqavilələr bağlamaq istəməməsindədir. Bundan əlavə, tədarük zəncirləri və müxtəlif materialların və komponentlərin, xüsusən də Çinin inhisarçı hesab edildiyi nadir torpaq metallarının, həmçinin alüminium, titan və mikroelektronikanın əldə edilməsi ilə bağlı problemlər var.

Tədqiqatın müəllifləri bildirirlər ki, “Patriot” zenit-raket kompleksləri və ya “Tomahawk” qanadlı raketləri kimi raket sistemlərinin istehsalının yerləşdirilməsi illər çəkə bilər: “Bəzi növ raket və sistemlərin istehsalı təxminən iki il çəkə bilər. Bunlar yalnız ilk raketlərin çatdırılma tarixləridir”, - məqalədə deyilir.

Tayvan 1949-cu ildən, Çan Kay-şek başçılıq etdiyi Kuomintang qüvvələrinin qalıqları Çin vətəndaş müharibəsində məğlub olaraq adaya qaçdıqdan sonra öz administrasiyası tərəfindən idarə olunur. O vaxtdan bəri Tayvan kommunistlər hakimiyyətə gələnə qədər materikdə mövcud olan keçmiş Çin Respublikasının bayrağını və bəzi digər atributlarını qoruyub saxlayır. ÇXR-in əksər ölkələrin, o cümlədən Rusiya tərəfindən dəstəklənən rəsmi mövqeyinə görə, ada Çin əyalətlərindən biri hesab olunur.

Birləşmiş Ştatlar 1979-cu ildə Tayvanla diplomatik əlaqələri kəsərək ÇXR ilə əlaqələr qurdu. Vaşinqton “vahid Çin” siyasətini tanımaqla yanaşı, eyni zamanda Taypey administrasiyası ilə əlaqələri davam etdirir və adaya silah verir. ABŞ Konqresinin Nümayəndələr Palatasının spikeri Nensi Pelosinin 2-3 avqust tarixlərində adaya səfərindən sonra Tayvan adada gərginlik ciddi şəkildə artıb və bu siyasi səfər Pekinin kəskin tənqidinə səbəb olub.