Əfsanəvi tennisçi və 22 qat Böyük dəbilqə çempionu Rafael Nadal bu mövsümün sonunda karyerasını başa vuracaq.

Bu barədə tennisçi şəxsi instagram hesabında məlumat verib.
38 yaşlı idmançı noyabrda Malaqada baş tutacaq Deviz kubokunun finalında sonuncu dəfə İspaniya üçün mübarizə aparacaq.
O, videomüraciətində bildirib: "Buraya peşəkar tennisdən getdiyimi söyləmək üçün gəlmişəm. Reallıq budur ki, bu illər çətin olub, xüsusən də son iki il. Mən məhdudiyyətsiz oynaya biləcəyimi düşünmürəm".