Prezident İlham Əliyevin böyük Azərbaycan şairi İmadəddin Nəsiminin 650 illik yubileyinin qeyd edilməsi ilə bağlı sərəncamı çərçivəsində bir sıra tədbirlər həyata keçirilməkdədir. Bu sırada Azərbaycan Respublikasının Birinci vitse-prezidenti Mehriban Əliyevanın təşəbbüsü ilə keçirilmiş ağacəkmə kampaniyasını qeyd etmək olar. Aksiya çərçivəsində bir gündə 650 min ağac əkilib.

Bakı Avrasiya Universitetinin rəhbərliyi, müəllim və tələbə heyətindən ibarət kollektivi də bu geniş miqyaslı tədbirə qoşularaq ağacəkmə kampaniyasında fəal iştirak etmişdir.
İmadəddin Nəsimi Azərbaycan xalqının dünya ədəbiyyatına bəxş etdiyi qüdrətli söz ustalarındandır. Onun yubileyi ölkəmizdə ədəbi-mədəni fikir tarixinin əlamətdar hadisəsi kimi dövlət səviyyəsində qeyd edilir.

Ölkəpress.com