Təyyarə qəzasından sağ çıxan stüardessa Aydan Rəhimlinin vəziyyəti yaxşıdır.

Bu barədə Aydan Rəhimlinin anası Ülviyyə xanım məlumat verib.

Onun sözlərinə görə, qızı bu gün Bakıya gətiriləcək:

“Məni hava limanına dəvət etdilər. Hazırda ora gedirəm. Qızımın vəziyyəti yaxşıdır”.

Ülviyyə xanın onu da qeyd edib ki, Aydan bir il idir stüardessa işləyirmiş:

“Bir il idi bu işə keçmişdi. İşini çox sevirdi. Qismət, Allah hamının köməyi olsun”.

Qeyd edək ki, stüardessa Aydan Rəhimli Zaqataladandır.