Allahımızın üzü dönüb

Kasıb dərdə-qəmə batır,
Hamı bir-birinə atır,
Millət vəkilləri yatır,
Allahımızın üzü dönüb,
Eh... kasıb- varlıya bölüb.

Tayfabazlıq, yerlibazlıq,
Məmur edir hər cür bazlıq,
Biz olmuşuq milli azlıq,
Allahımızın üzü dönüb,
Eh... kasıb- varlıya bölüb.

Sırtıqlaşır savadsızlar,
Həddi aşır həyasızlar,
Millətsevməz bu arsızlar,
Allahımızın üzü dönüb,
Eh... kasıb- varlıya bölüb.


Bu heç deyil xoş mənzərə,
Hökm verib mənzərlərə,
Zülm eləyir o-bizlərə,
Allahımızın üzü dönüb,
Eh... kasıb- varlıya bölüb.



Allah gec edib, güc edib,
Qəmdən-müdriki gic edib,
Çox doğuşu o, bic edib,
Allahımızın üzü dönüb,
Eh... kasıb- varlıya bölüb.


Kim çəkirsə hey zəhməti,
Həyatda görür töhməti,
Sözdür Vüqarın sərvəti,
Allahımızın üzü dönüb,
Eh... kasıb- varlıya bölüb.


Vüqar Əhməd
27.09.2024