Tanınmış müğənni İlahə İbadova ARB TV-də yayımlanan "Günə son” verlişində jurnalist Əfruzə Ağayevanın suallarını cavablandırıb.

"Mən şiddətə məruz qalmışam. Dəfələrlə olub ki, yoldaşım mənə əl qaldırıb. Sadəcə bu gün o insan haqqında danışıb onu gözümdə və cəmiyyətdə böyütmək istəmirəm. Mən bəlkə də mənə olunan şiddəti hardasa bağışlaya bilərdim. Amma 4 aylıq körpəmə vurduğu üçün mən ondan ayrıldım. Kişilərin özlərinə məxsus haqlı olduqlarını sandığı məqamlar var. Amma biz sənət adamları elə də ağılsız adamlar deyilik. Bəylər həmişə qadınları günahkar sayır, nə olsa yıxırlar üstümüzə, çalışırlar bizi ləkələməyə. Belə insanları mən şəxsiyyət kimi görə bilmirəm. İstər məni vurandan, istər 4 aylıq uşağa əl qaldırandan sonra o insan mənim gözümdən düşdü və mən ondan ayrıldım”.