Keçmiş ABŞ prezidenti Donald Tramp, hətta Nyu Yorkdakı böyük jüri onu ittiham etmək üçün səs verdikdən sonra belə, 2024-cü ildəki dövlət başçısı seçkilərində Respublikaçılar arasında ən yaxşı seçimdir.

Bunu “YouGov” sorğusunun nəticələri sübut edib.

Məlumata görə, respondentlərin 52%-i Trampı dəstəkləyir. Onun ən güclü rəqibi, Florida ştatının qubernatoru Ron DeSantisin dəstək səviyyəsi isə 21%-dir. Respublikaçılar Partiyasının digər mümkün namizədləri daha az populyardır. Keçmiş vitse-prezident Mayk Pensi respublikaçıların 3%-i, ABŞ-ın BMT-dəki keçmiş səfiri Nikki Heylini isə 5%-i dəstəkləməyə hazırdır.
Qeyd edək ki, sorğu martın 30-31-də Respublikaçılar Partiyasını dəstəkləyən mindən çox seçici arasında keçirilib.

Mənbə: TASS