Məşhur türk boksçu Serdar Avcı WBC Silver Assian kəmərini Türkiyədəki zəlzələdə zərər çəkən uşaqların təhsili üçün bağışlayıb.

"Qafqazinfo" "CNN"ə istinadən xəbər verir ki, boksçu bu kəmərə ötən il sahib olub.
O, 2022-ci ildə Boğazda qayıq içərisində qurulan rinqdə WBC Afrika çempionu nigeriyalı boksçu Toni Salamı məğlub etmişdi.

Qeyd edək ki, S. Avcı WBC Silver Assian Belt matçından əvvəl Mayk Taysonu nokauta salmağı bacaran Denni Uilyamsı 2021-ci ildə Ukraynada məğlub edib.