Yağan güclü leysan yağışları Şamaxıda fəsadlar törədib.

APA-nın Şirvan bürosu xəbər verir ki, Şamaxı rayonuna yağan leysal xarakterli güclü yağışlar nəticəsində yaranmış sel rayonun Ərçiman, Talışnuru, Dəmirçi, Səfalı və Zarat Xeybəri kəndlərinə gedən avtomobil yollarının Pirsaatçaydan keçən hissələrini keçilməz hala salıb, Avaxıl kəndinin daxili yollarına ciddi ziyan dəyib. Həmçinin Şamaxı şəhərinin B.Mirzəyev küçəsində yolkənarı istinad divarı, Ərçiman və Talışnuru kəndlərində isə bir neçə internet, telefon və elektrik dirəyi sıradan çıxıb.

Hazırda rayon ərazisində selin yaratdığı fəsadların aradan qaldırılması istiqamətində aidiyyəti qurumlar tərəfindən operativ tədbirlər görülür.