Pakistanda buna görə kütləvi mitinqlər keçirilir
İyunun 28-də İsveçdə Quranın kütləvi şəkildə yandırılması aktı ilə əlaqədar Pakistanda ümummilli aksiya keçirilir.
"Unikal" xarici KİV-ə istinadən xəbər verir ki, Pakistanın baş naziri Şahbaz Şərif də məsələyə münasibət bildirib.
"Bir bədbəxt şəxsin "Qurani-Kərim"i təhqir etməsi ilə bağlı hiss və duyğularımızı ifadə etmək üçün bu gün hamımız bütün ölkə boyu ""Qurani-Kərim" günü" şüarı altında etiraz aksiyası keçiririk, - siyasətçi qeyd edib.
Nümayişlərdə cəmiyyətin müxtəlif təbəqələri, o cümlədən digər dinlərin nümayəndələri iştirak edir. İslamabadda İsveç səfirliyinin yerləşdiyi ərazidə mitinqlər təşkil olunur.