Rusiyanın “Birinci kanalı”nın “Zaman” xəbərlər proqramında baş vermiş dünənki insident bir neçə il bundan öncə elə həmin telekanalın efirində yayımlanan “Yatmışlar” filmini yenidən gündəmə gətirib.

Axar.az xəbər verir ki, 2017-ci ildə Rusiyanın “Birinci kanalı”nın efirində “Yatmışlar” (Spyaşiye) serialı yayımlanır. Filmin ssenarisinə əsasən Rusiya hakimiyyəti baş vermiş səs-küylü bir cinayəti ört-basdır etmək istəyir. Amma bu hadisəyə ictimai reaksiya güclü olur və günlərin birində məhz xəbərlər verilişinin redaktoru canlı yayımda özbaşınalıq edərək, xalqa çağırış edir: “Oyanın, sizə yalan söyləyirlər!”

Bundan sonra filmdə gənc redaktoru işdən azad edib, cinayət məhsuliyyətinə cəlb edirlər.

Maraqlısı odur ki, filmdəki həmin epizod və hətta aparıcının geyim tərzi dünən baş vermiş insident ilə oxşarlıq təşkil edir.



Ōlkəpress.com