İyul ayı ərzində ümumilikdə 48 aptekdə yoxlama həyata keçirilib.
Bu barədə Analitik Ekspertiza Mərkəzi məlumat yayıb.

Bildirilib ki, bu yoxlamalardan 21-i Bakıda, 27-si isə respublikanın digər şəhər və rayonlarında yerləşən apteklərdə aparılıb.

Yoxlamaların 10-u planlı, 37-si plandankənar, 1-i isə yoxlamadankənar təftiş xarakteri daşıyıb.

Aparılmış yoxlamalar nəticəsində 19 aptekdə müxtəlif nöqsanlar aşkarlanıb, bu hallarla bağlı İnzibati Xətalar Məcəlləsinin 210.1, 221.1, 452.1 və 452.3 maddələri üzrə müvafiq inzibati protokollar tərtib edilib.