İmişli şəhərinin Muğan küçəsinin avtomobil yollarında asfaltlaşma işləri aparılıb.

İmişli şəhəri ərazisində avtomobil yollarının əsaslı təmiri istiqamətində görülən işlər çərçivəsində şəhərin mərkəzi hissəsində yerləşən və uzun müddətdir baxımsız vəziyyətdə olan Muğan küçəsinin avtomobil yollarına yeni asfalt örtük qoyulub. Bununla yanaşı sözügedən yolda avtonəqliyyat vasitələrinin təhlükəsiz hərəkətinin tənzimlənməsi məqsədi ilə üfüqi nişanlanma xətlərinin rənglənməsi işləri aparılıb. Əsaslı şəkildə təmir aparılan Muğan küçəsi sakinlərin əsas istifadə etdiyi yollardan olduğu üçün əhalinin gediş-gəlişini xeyli asanlaşdırıb.
Qeyd edək ki, İmişlidə yol infrastrukturunun yenilənməsi ilə əlaqədar reallaşdırılan məqsədyönlü tədbirlər davamlı xarakter daşıyır. Bu addımlar, rayonun ümumi inkişafına və sakinlərin həyat şəraitinin yaxşılaşdırılmasına böyük töhfə verir.