Vüqar Əhməd ABŞ - də çap olunub Poeziya üçün sərhəd yoxdur.Bu həqiqətən belədir.Artiq neçə illdir ki, Azərbaycanın sevilən alim-şairlərinin bir çox əsərləri Albaniyada məşhur "Atunis Poetry" birliyi nəzdində eyni adla adlanan antologiyada çap edilir.Dünya oxuculari bu şairlərin hər biri ilə maraqlanaraq onlarin yaradıcılığı ilə tanış olurlar.Bu əks -səda bu dəfə ABŞ-də də yayımlandı.ABŞ-nin tanınmış yazar- şairlərindən olan Jacqueline Ripsteyn Albaniyadan olan şair Agron Şele ilə birlikdə dünya şairlərinin əsərlərini toplayaraq " Poeziya gələcəyə aparan bir işıq yoludur" adlı kitab nəşr etdirmişdir.AMEA- nın Nizami Gəncəvi adına Ədəbiyyat İnstitutunun şöbə müdiri, Beynəlxalq Elmlər Akademiyasının akademiki, Turanın Xalq Şairi, tanınmış alim,filologiya elmləri doktoru,professor Vuqar Əhmədin yaradıcılığı da bu kitabda yer almışdır.Poetik topluda filologiya üzrə fəlsəfə doktoru, mütərcim Məsmə İsmayılovanın ingilis dilinə tərcüməsində Vüqar Əhmədin qısa tərcümeyi- halı və " Bəxt ağaraydı" şeiri verilmişdir.Azərbaycan poeziyasını bütün dünyada yaşadan , təbliğ edən alim -sairimizə uğurlar arzulayaq.