ABŞ-ın maliyyə naziri Canet Yellen 6-9 iyul tarixlərində Pekinə səfər edərək yüksək səviyyəli Çin rəsmiləri ilə görüşəcək.
Bizimyol.info xəbər verir ki, bu barədə bazar günü ABŞ Maliyyə Nazirliyi məlumat yayıb.

“Katib Yellenin səfəri ABŞ və Çin arasında qlobal makroiqtisadiyyat və maliyyə prosesləri də daxil olmaqla bir sıra məsələlər üzrə münasibətləri dərinləşdirmək üçün keçən noyabrda Çin prezidenti Si Cinpinqlə görüşdən sonra ABŞ prezidenti Co Baydenin tövsiyəsi ilə təşkil olunub.

"Pekində nazir Yellen Çin rəsmiləri ilə dünyanın iki ən böyük iqtisadiyyatı olan ölkələrimizin münasibətlərimizə məsuliyyətlə yanaşmasının, narahatlıq doğuran sahələrdə birbaşa ünsiyyət qurmasının və qlobal problemlərin həlli üçün birgə çalışmasının nə qədər vacib olduğunu müzakirə edəcək", - ABŞ Maliyyə Nazirliyinin bəyanatında deyilir.

Agentlik xatırladıb ki, Vaşinqton Pekinlə iqtisadi əlaqələrini qurarkən üç prinsipə əməl edir: "Birincisi, biz öz milli təhlükəsizlik maraqlarımızı və müttəfiqlərimizin maraqlarını təmin etməyə, habelə iqtisadi üstünlük əldə etməyə yönəlməyən məqsədyönlü hərəkətlər etməklə insan hüquqlarını qorumağa çalışırıq. İkincisi, biz Çin ilə qarşılıqlı faydalı artımı və innovasiyanı təşviq edəcək, həmçinin Amerika işçiləri, biznesləri üçün iqtisadi imkanları genişləndirəcək sağlam iqtisadi əlaqələrdə maraqlıyıq. Nəhayət, biz iqlim dəyişikliyi və borc böhranı kimi əsas qlobal məsələlərdə də əməkdaşlığa can atırıq", - deyə ABŞ Maliyyə Nazirliyi bildirib.

"Bloomberg"in daha əvvəl xəbər verdiyi kimi, səfər zamanı Yellen He Lifengin Çin Xalq Respublikası Dövlət Şurasının iqtisadi məsələlər üzrə baş nazirinin müavini təyin edildikdən sonra ilk yüksək səviyyəli danışıqların aparılacağını gözləyir.

İyunun 18-19-da ABŞ dövlət katibi Entoni Blinken Çində səfərdə olub.O, Çinin xarici işlər naziri, Çin Kommunist Partiyası (ÇKP) Mərkəzi Komitəsinin (KK) Xarici Əlaqələr Komissiyasının ofisinin rəhbəri Qin Gang, Çin Kommunist Partiyası Mərkəzi Komitəsinin Siyasi Bürosunun üzvü Vanq Yi, eləcə də Çin dövlətinin başçısı Si Cinpinqlə görüşüb.