olkepress.com
olkepress.com

İmişlidə şəhid Elnur Bayramovun xatirəsinə həsr olunmuş tədbir keçirildi

Bugün, 17:28

İmişlidə şəhid Elnur Bayramovun xatirəsinə həsr olunmuş tədbir keçirildi

Fevralın 5-də İmişli Rayon Mədəniyyət Mərkəzində Vətən müharibəsi şəhidi Elnur Bayramovun xatirəsinə həsr olunmuş “Bir ocağın üç qəhrəman oğlu” adlı ədəbi-bədii tədbir keçirilib.
Tədbirdə İmişli Rayon İcra Hakimiyyətinin başçısı Elçin Rzayev, YAP İmişli rayon təşkilatının sədri Səfa Ağayev, rayonun hüquq-mühafizə orqanlarının, idarə və təşkilatlarının kollektivləri, şəhid ailələri, ictimaiyyət nümayəndələri iştirak ediblər.

Tədbir Dövlət himninin səsləndirilməsi, ölkəmizin ərazi bütövlüyü uğrunda canlarından keçən vətən övladlarının xatirələrinin bir dəqiqəlik sükutla yad olunması ilə başlayıb.

Tədbiri giriş sözü ilə açan icra başçısı şəhid Elnur Bayramovun keçdiyi şərəfli ömür yolundan, eyni zamanda Elnurun qardaşları Elbəyi və Xalidin qəhrəmanlıqları haqqında danışıb. Bildirib ki, vətən torpaqlarının ərazi bütövlüyünü bərpa edən hərbçilərimizə, əsgərlərimizə, canından keçən şəhidlərimizə, sağlamlığını itirən qazilərimizə, onların ailə üzvlərinə diqqət ayırmaq, qayğı göstərmək hər birimizin borcudur. Torpaqlarımızın azadlığı uğrunda canlarını fəda etmiş qəhrəman şəhidlərimizin əziz xatirələrinə həsr olunmuş tədbirlər, filmlər, əsərlər və onların adlarının əbədiləşdirilməsi istiqamətində atılan addımlar şəhidərimizin ruhuna, onların doğmalarına ölkəmizdə göstərilən ali ehtiramın aydın ifadəsidir.

Tədbirin gedişatında çıxış edən şəhidin atası Şəmsi kişi övladı barədə xatirəsini bölüşərək şəhid ailələrinə göstərilən diqqət və qayğıya görə razılığını ifadə edib.

Tədbir mədəniyyət işçilərinin ifalarında ədəbi-bədii kompozisiyalar nümayiş etdirilməklə və vətənpərvərlik ruhunda musiqilər səsləndirilməklə davam etdirilib.
İmişlidə şəhid Elnur Bayramovun xatirəsinə həsr olunmuş tədbir keçirildi
İmişlidə şəhid Elnur Bayramovun xatirəsinə həsr olunmuş tədbir keçirildi
İmişlidə şəhid Elnur Bayramovun xatirəsinə həsr olunmuş tədbir keçirildi
İmişlidə şəhid Elnur Bayramovun xatirəsinə həsr olunmuş tədbir keçirildi


XƏBƏR LENTİ
BÜTÜN XƏBƏRLƏR
MARAQLI
ŞOU-BİZNES
TƏQVİM
«    Şubat 2025    »
PtSaÇrPrCuCtPz
 12
3456789
10111213141516
17181920212223
2425262728 
MƏZƏNNƏ
 Valyuta məzənnəsi