"Şikayətim Bakıxanov Çörək Zavodundandır. Deməli, həmin gün bişirilən çörək alasan, yeyəndə belə mənzərə ilə qarşılaşasan".

DİA.AZ bildirir ki, bu barədə Bakı sakini Nərmin Vəlizadə "Müştəriyəm Şikayətim Var" sosial qrupunda paylaşçım edib

Daha sonra narazı vətəndaş yazır: "İnsan həyatı ilə oynamaqdır rəsmən. Özümü güclə saxladım ürək bulanmasından. Olmaz belə.... Kifli çörəkləri təzədən bişirirsiniz... heç olmasa, ciddi nəzarət edin. Sevdiyim zavod çörəyini indi yeyə bilmirəm. Nə alıb yeyəsən ki, iyrənməyəsən. Günahdır vallah..."

Hər halda Qida Təhlükəsizliyi Agentliyinin bu məsələyə münasibət bildirməsi vacibdir.
İddia olunanlarla bağlı qarşı tərəfi də dinləməyə hazırıq...

Ölkəpress.com