Türkiyə Prezidenti Rəcəb Tayyib Ərdoğan prezident seçkiləri ilə bağlı Cümhuriyyət Xalq Partiyasının lideri Kamal Kılıçdaroğluna çağırış edib.

Olkepress.com xəbər verir ki, prezident Ədalət və İnkişaf partiyasının həftəlik toplantısındakı çıxışı zamanı deyib ki, Kılıçdaroğlunun cəsarəti varsa seçkilərdə namizədliyini irəli sürsün. “Cəsarətin varsa prezident seçkilərində qarşıma çıx” deyən Ərdoğanın sözlərinə görə, Kılıçdaroğlu Türkiyənin xeyrinə olan planların heç birinə dəstək verməyib:
“Madam ki, bu qədər özünə güvənirsən, madam ki, siyasət tərzinə bu qədər əminsən onda hodri meydan. Gücün çatırsa, cəsarətin varsa, azad iradən varsa seçimlərdə çıx qarşıma. Fikirlərimizi və baxışlarımızı yarışdıraq. Qoy qərarı millət versin”.