Milli Şura bu gün Bakı Şəhər İcra Hakimiyyəti yaxınlığında icazəli aksiya keçirib.

Cebhe.info xəbər verir ki, piketdə 50 nəfər iştirak edib.

Aksiyanın diqqət çəkən məqamı “Yurd” sədri Əli Kərimli və Milli Şura sədri Cəmil Həsənlinin aksiyaya qatılmaması olub. Halbuki BŞİH aksiyaya icazə verdiyi zamandan etibarən sosial şəbəkələrdə Əli Kərimli tərəfindən piketə qatılmaqla bağlı çağırışlar səslənib.

Piket iştirakçılarının təhlükəsizliyini Daxili İşlər Nazirliyinin əməkdaşları qoruyub. "İçərişəhər" metrostansiyasının bütün giriş-çıxış istiqamətlərində təhlükəsizlik tədbirləri görülüb.

Aksiyaya qatılmaq istəyən bəzi şəxslər qanunun tələbini pozmağa cəhd ediblər. Ancaq "Sərbəst toplaşmaq azadlığı haqqında" Azərbaycan Respublikası Qanununun 9-cu maddəsinə əsasən, piket keçirənlərin sayı 50 nəfərdən çox olmamalıdır. Polis qanunun bu bəndinin pozulmasının qarşısını alıb.