Kürdəmirdə piyada və velosipedçilərə qarşı reyd keçirilib.

Baku TV xəbər verir ki, bununla bağlı Kürdəmir Rayon Polis Şöbəsinin Dövlət Yol Polisi bölməsinin əməkdaşları tərəfindən reyd keçirilib.

Keçirilən reydin əsas məqsədi velosiped istifadəçilərinin yol hərəkəti qaydalarına riayət etməsinə eləcədə insanların piyada keçidindən düzgün istifadə etməsinə nəzarətin gücləndirilməsidir. Gələcəkdə velosipedçilərin və piyadaların iştirakı ilə baş verə biləcək yol-nəqliyyat hadisələrinin qarşısının alınması üçün həmin şəxslərlə profilaktik söhbətlər aparılıb.

Eyni zamanda polis əməkdaşları hər bir velosiped istifadəçisinə və piyadalara​ koronavirus pandemiyasının yarada biləcəyi təhlükələr barədə geniş məlumat verib, onlara tibbi maskalar paylayıb.

Qeyd edək ki, son vaxtlar rayon ərazisində piyada və velospedçilərin iştirakı ilə olan qəzalarda​ ölüm halları xeyli artıb.

Ölkəpress.com