Avropa Liqasında “Qarabağ”ın da yer aldığı I qrupunda “Vilyareal” öz meydanında Təl-Əvivin “Makkabi” klubunu qəbul edib.

Olkepress.com xəbər verir ki, görüşdə meydan sahibi erkən qola sevinib. Qarşılaşmanın 4-cü dəqiqəsində Bakka topu rəqib qapısından keçirib.

İlk hissə bu hesabla başa çatıb. Qarşılaşmanın ikinci hissəsində Bakka növbəti dəfə fərqlənib. 52-ci dəqiqədə forvard Kubonun ötürməsini dəqiq zərbə ilə tamamlayıb.

71-ci dəqiqədə Baena, 10 dəqiqə sonra Ninonun vurduğu qollarla “Vilyareal” 4:0 hesablı qələbəyə sevinib.

Bu nəticələrdən sonra “Vilyareal” 9 xalla birinci, “Makkabi” 6 xalla ikinci, “Sivasspor” 3 xalla üçüncüdür. “Qarabağ” klubu isə qrup mərhələsində keçirdiyi üç qarşılaşmanın hamısında məğlub olub və qrupda hələlik sonuncudur.