Vilnüsdəki “Delfi” televiziyasının “Peyvənd xəritədə” (Vaksina na karte) verilişində azərbaycanlı jurnalist, populyar bloqer, “Global Media Group”un media direktoru Həmid Həmidov aparıcı Oleq Yerofeyevin suallarını cavablandırıb.

Dünyanın fərqli ölkələrində pandemiya ilə mübarizəyə, bu istiqamətdə görülən işlərə həsr olunan proqramın qonağı olan Həmid Həmidov ölkəmizin MDB ölkələri arasında vaksinasiya səviyyəsinə görə lider olduğunu bildirib.

Tanınmış jurnalist qeyd edib ki, hazırda Azərbaycanda koronavirusa yoluxma statistikasında azalma müşahidə olunur və fəal şəkildə vaksinasiya prosesi aparılır.



ölkəpress.com