olkepress.com
olkepress.com

3 ili tamam olan nazir İnam Kərimov bu müddətdə aqrar sahədə heç bir ciddi addım ata bilmədi- İnam Kərimovun ailəsinə Əli İnsanovun maddi-mənəvi dəstəyi çox olub...

15-04-2021, 11:23

3 ili tamam olan nazir İnam Kərimov bu müddətdə aqrar sahədə heç bir ciddi addım ata bilmədi- İnam Kərimovun ailəsinə Əli İnsanovun maddi-mənəvi dəstəyi çox olub...3 ili tamam olan nazir İnam Kərimov bu müddətdə aqrar sahədə heç bir ciddi addım ata bilmədi- İnam Kərimovun ailəsinə Əli İnsanovun maddi-mənəvi dəstəyi çox olub...

Düz 1 həftədən sonra İnam Kərimovun Kənd Təsərrüfatı naziri təyin olunmasının 3 ili tamam olur.
3 il heç də az müddət deyil.
Ona görə də bu adam cəmiyyətə və üzv olduğu siyasi komandaya konkret olaraq hesabat verməli idi. Görək, 3 il müddətində bu adam nə iş görüb ?
Aqrar sahədə hansı uğura imza atıb ?
Son 3 ildə hansı problemləri aradan qaldırıb ?
Axı, dövlət başçısı İlham Əliyev cənabları neçə ildir dönə-dönə vurğulayır ki, post-neft dövrünə hazır olmalıyıq, neft bir gün azalacaq və s. Axı, bir neçə il əvvəl bütün dünyanın gözü qarşısında neftin qiyməti 112 dollardan 15-20 dollara düşdü. Bu gün də neftin qiyməti böhran keçirir.
Sözün qısası, biz dövlət büdcəsini təkcə neftdən asılı edə bilmərik. Bütün bunları nəzərə alan cənab İlham Əliyev ciddi islahatlara getməyə, Avropada oxumuş gənc kadrları irəli çəkməyə üstünlük verdi.
Az vaxtda bir neçə nazirliyə gənc kadrlar gətirildi. Onlardan biri də İnam Kərimov idi.
Cəmiyyət bu təyinatı bəh-bəhlə qarşıladı, hamımız sevindik ki, nəhayət bizdə də müasir tələblərə cavab verən nazirlər, komitə sədrləri formalaşır. Amma nə gördük.
İnam Kərimov da öz sələfləri kimi nazirliyin fermerlərə verdiyi texnika, avadanlıqlar, gübrə, toxum və s barədə hesabat vermir. Sahibkarlara dövlət tərəfindən verilən milyonluq subsidiyaların hesabını verən yoxdur. Kimlərə verilir, necə verilir, o subsidiyalar özünü doğruldurmu ?
İnam Kərimov özündən əvvəlki rəhbərliyin zamanında mənimsənilən 100 milyonlarla subsidiya barədə niyə səsini çıxarmadı ?
İnam Kərimov hərdən rayonlara gedib quzu ilə, çobanla şəkil çəkdirmək, yaxud sapoqla tarlada gəzmək, fındıq kolu əkməklə heç nəyə nail olmaq olmaz.
Avropada oxumaq hələ yaxşı kənd təsərrüfatı bilicisi olmaq deyil e.
Bir problem də var. Avropada oxuyub gələn nazir olan kimi uzun illər yetişmiş mütəxəssisləri çıxardıb öz dost-aşnasını vəzifələrə təyin edir.
Bu islahat deyil, cənablar !
Biz İnam Kərimovun başqa məsələlərinə toxunmaq istəmirik.
Axı, İnam Kərimov süddən çıxmış ağ qaşıq deyil e.
Keçmiş səhiyyə naziri, sonra məhkum həyatı yaşayan, hazırda radikal müxalifətə “sarvanbaşı” olan Əli İnsanovun birbaşa dəstəyi və himayəsi ilə təhsil alan, özünə karyera quran İnam Kərimov unudur ki, Əli İnsanov onların ailəsinə çox doğma olub.
Bəli, İnam Kərimovun dost-doğma əmisi Sərdar Kərimov Əli İnsanovun ən yaxın dostlarından olub. Əli İnsanov səhiyyə naziri təyin olunanda Sərdar Kərimovu nazirliyə gətirir və bir müddətdən sonra ona özünün birinci müavini vəzifəsini həvalə edir. 1999-cu ildən ömrünün sonuna qədər nazirin I müavini işləyən Sərdar Kərimovun gənc yaşda vəfatından sonra belə, yaxın dostunun kabinetini heç kimə verməyən Əli İnsanovun Kərimovlar ailəsinin yüksəlməsində mühüm rolu, maddi və mənəvi dəstəyi olub.
Biz əlbəttə, nazir İnam Kərimovu keçmişinə görə topa tutmuruq.
Ancaq gənc kadrlar da Prezidentin və cəmiyyətin onlara göstərdiyi etimadı doğrultmağa çalışmalıdırlar. Ya da ləyaqətlə istefa verib getməlidirlər. Başqa yol yoxdur.

ölkəpress.com


XƏBƏR LENTİ
BÜTÜN XƏBƏRLƏR
MARAQLI
ŞOU-BİZNES
TƏQVİM
«    Mart 2024    »
PtSaÇrPrCuCtPz
 123
45678910
11121314151617
18192021222324
25262728293031
MƏZƏNNƏ
 Valyuta məzənnəsi