Martın 23-də yerli vaxtla saat 08:31-də Xəzər dənizində zəlzələ qeydə alınıb.

Ölkəpress.com xəbər verir ki, bu barədə Azərbaycan Milli Elmlər Akademiyası nəzdində Respublika Seysmoloji Xidmət Mərkəzi məlumat yayıb.

Məlumata görə, 3,2 bal gücündə qeydə alınan zəlzələnin ocağı 62 kilometr dərinlikdə yerləşib.

Zəlzələlərin tədqiqatı bürosunun yaydığı digər bir məlumata görə, yerli vaxtla saat 09:46-da İran ərazisində də zəlzələ qeydə alınıb.

Maqnitudası 4,5 olan təkanlar 7 km dərinlikdə qeydə alınıb. İranda qeydə alınan yeraltı təkanlar Naxçıvan Muxtar Respublikasının sərhədə yaxın ərazilərində 3 bala qədər hiss olunub.