İranın tanınmış vokal ifaçısı Məsud Barışın Olkəpress.com-a özəl müsahibəsi.

- Hörmətli Məsud bəy, bilirik ki, İranda siz çox məşhursunuz. Azərbaycanda da sizi tanıyanlar çoxdur, tanımayanlar üçün ilk olaraq özünüz haqqında bir az məlumat verərdiniz.

- Musiqi fəaliyyətimə 15 yaşında olarkən rəhmətlik Əli Səliminin musiqi məktəbində başlamışam...
Bir dəfə Azərbaycanın xalq artisti Lütfiyar İmanov Təbrizə konsert verməyə gəlmişdi. Lütfiyar İmanovla səhnəyə çıxmaq üçün seçim edirdilər, mən və başqaları seçimdə iştirak etdik, amma müəllim məni seçdi, mənə dedi ki, oğlum, sən oxuyanda mən öz gəncliyimi xatırladım. Gəl Bakıya görüşək sənə musiqini daha dərindən öryədim,
Və Bakıya gəlib onun tələbəsi oldum.
Lütfiyar İmanov rəhmətə gedəndən sonra, Üzeyir Hacıbəyov adına Musiqi Akademiyasına qəbul oldum.Musiqi fəaliyyətimi davam etdirdim.

- Daha sonralar Bakıda konsertlərin oldumu?

- Bəli, ilk solo konsertim flormoniyada olub, ümumiyyətlə flormoniyada iki dəfə konsertim olub. Bir dəfə də Əli Polad müəllim kitab çap etdirmişdi, "Təbrizim" adında, onun açılış mərasimində çıxdıq, o rok janrında idi. Ən sonuncusu Bəstəkarlar İttifaqının 85 illiyinə həsr edilmiş bağlanış mərasimində,gənc bəstəkar Tural Məmmədlinin bəstəsi olan "Təbrizim" mahnısını Azərbaycan xor və simfonik orkestri ilə oxudum.

-Qarşıda hansı planlarınız var ?

- Planımız Tural Məmmədli ilə Təbrizdə böyük konsert vermək və eyni konserti Bakıya gətirməkdir.
Sintez bir konsertdir, caz, vokal, xalq mahnıları.

- Dəqiq tarixi deyə bilərsiniz?

- Bəli, Təbriz konserti dekabr ayındadır, Bakı konsertisə isə 2020-cu ilin əvvəllərinə planlaşdırmışıq.
Mən musiqiyə bir yenilik gətirmək niyyətindəyəm. Mənim konsertlərimə Təbrizdə ən azı 2000 bilet alınır, mənim konsertlərimi hər kəs sevə-sevə izləyir. Mənim musiqilərimə çox ciddi maraq var.
Bakıda da buna nail ola biləcəyimizə inanıram.

- Çox gözəl, Son olaraq nə demək istərdiniz?

- İstərdim düzgün musiqi mətbuatda təbliğ edilsin.
Hər kəsə salamım var, təşəkkür edirəm.