İsmayıllı rayonunda ağır yol qəzası baş verib, altı Hindistan vətəndaşı xəsarət alıb.
Olkepress.com Reporta-a istinadən xəbər verir ki, hadisə rayonun Tircan kəndi ərazisində qeydə alınıb.
Belə ki, “Mercedes Vito” markalı mikroavtobus yoldan çıxaraq aşıb.
Nəticədə altı Hindistan vətəndaşı müxtəlif dərəcəli bədən xəsarətləri ilə İsmayıllı Rayon Mərkəzi Xəstəxanasına aparılıb.
Onlardan ikisinin vəziyyəti ağırdır. Hazırda rayon polis əməkdaşları qəzanın baş verdiyi əraziyə cəlb olunublar. Faktla bağlı araşdırma aparılır.