ARB TV-də yayımlanan “Elgizlə İzlə” sosial-ictimai proqramında məşhur meyxanaçı Ağakərimin (Kərim Novruzov) səhhəti ilə bağlı urəkdağlayan videomaterial yayımlanıb.

Ölkəpress.com xəbər verir ki, yataq xəstəsi olan 2017-ci ildə beyninə qan sızan meyxanaçı müsahibə verməkdə çətinlik çəkdiyindən Ağakərimin oğlu atasının səhhətindən söz açıb: “2017-ci ildən xəstədir, 2019-cu ildən isə yataq xəstəsi olub. Bu zamana qədər o bizə baxıb. İndi də bizim borcumuzdur ki, ona baxaq. İnşallah, sağalar”.
Qeyd edək ki, meyxanaçı Ağakərimin ayaqları tutulmuşdu. Maddi imkanları çatmadığı üçün ailəsi meyxanaçını xəstəxanadan çıxarmaq məcburiyyətində olduğunu açıqlamışdı. Daha sonra sənətçinin müalicəsini Heydər Əliyev Fondu öz üzərinə götürmüşdü.