Bakı üzrə yeni abonentlərin sayı açıqlandı
2020-ci ilin yanvar-oktyabr ayları ərzində “Azəriqaz” İstehsalat Birliyində əhali sektoru üzrə 61 min 453 yeni abonent qeydiyyata alınıb.
Bu barədə “Azəriqaz” İstehsalat Birliyindən məlumat verilib.
Bunun 44 176-sı Bakı, Abşeron və Sumqayıt, 17 277-si isə regionlar üzrədir.
Oktyabr ayı ərzində isə əhali sektoru üzrə qeydiyyata alınan yeni abonentlərin sayı 7 115 təşkil edib. Bunun 5 404-ü Bakı, Abşeron və Sumqayıt, 1 711-i isə regionlar üzrədir.
Beləliklə, hazırda birliyin ümumi əhali abonentlərinin sayı 2 milyon 310 min 414 təşkil edir.
Bundan 1 milyon 413 min 177 abonent regionların, 897 237 abonent isə Bakı şəhərinin payına düşür.
ölkəpress.com