Rusiya Aerokosmik Qüvvələrinin nəzarət vasitələri səhər saatlarında Amerikanın MQ-9 pilotsuz uçuş aparatının Rusiya Federasiyasının dövlət sərhədi istiqamətində uçuşunu qeydə alıb.

Bu barədə Rusiya Müdafiə Nazirliyi məlumat yayıb.

“Hava hücumundan müdafiə qüvvələrinin növbətçi döyüş təyyarələri Qara dəniz üzərində Rusiyanın hava məkanına müdaxilə edən obyektin müəyyən edilməsi üçün havaya qaldırılıb. Rusiya qırıcıları hava-desant silahlarından istifadə etməyib və Amerika PUA-sı ilə təmasda olmayıb. Kəskin manevr nəticəsində Amerika pilotsuz uçuş aparatı hündürlüyü itirərək nəzarətsiz hala gəlib və suya düşüb”, - deyə qurumdan bildirlib.

Bu arada, Rusiyanın ABŞ-dəki səfiri Anatoli Antonov insidentlə bağlı ABŞ Dövlət Departamentinə çağırılıb.

Mənbə: kommersant.ru

21:27

Rusiyanın Su-27 təyyarəsi ABŞ-nin MQ-9 pilotsuz təyyarəsi ilə toqquşub.


Bu barədə ABŞ Hərbi Hava Qüvvələrinin Avropa Komandanlığından bildirilib.

Məlumata görə, insident Qara Dəniz üzərində baş verib.

Vurğulanıb ki, uçuş zamanı Rusiya qırıcısı ABŞ PUA-sının pərvanəsinə toxunub. Toqquşmadan sonra PUA-nın beynəlxalq sulara düşdüyü qeyd olunub.

Hadisənin digər təfərrüatları açıqlanmayıb.

Mənbə: TASS