“Qarabağ”ın və Azərbaycan millisinin müdafiəçi Maksim Medvedev karyerasını başa vurub.
O, “Qarabağ” və “Zirə” arasındakı Azərbaycan Kubokunun finalında futbolla vidalaşıb.
“Qarabağ”ın prezidenti Tahir Gözəl bu münasibətlə Medvedevə üzərində 552 (futbolçunun keçirdiyi oyun sayı) yazılmış forma hədiyyə edib.
Medvedev 2006-cı ildə Ağdam təmsilçisinin əsas komandasında debüt edib, 2009-cu ildən Azərbaycan millisinin formasını geyinib.