Dövlət Dumasının deputatı Mixail Delyagin, Aktau şəhərində qəzaya uğrayan AZAL-a məxsus təyyarənin gövdəsindəki dəliklərin qəlpə izlərinə bənzədiyini qeyd edib.

O, Telegram kanalında bu barədə paylaşım edib: “Bu isə, görünür, ikinci Malayziya Boeing-i”.

Eyni zamanda, Kremlin sözçüsü Dmitri Peskov bildirib ki, Kreml Aktau yaxınlığındakı təyyarə qəzasının səbəbləri ilə bağlı versiyalar irəli sürməyəcək və istintaqın nəticələrini gözləyəcək.

Xatırladaq ki, qəza nəticəsində 38 nəfər həyatını itirib.

2014-cü ildə Donbasda qəzaya uğrayan Malayziya Boeing 777-200ER təyyarəsi raketlə vurulub. Həmin hadisədə 298 nəfər həyatını itirib və bu barədə araşdırma hələ də davam edir.