İmişlidə Novruz bayramı münasibətilə ümumrayon şənliyi keçirilib.
Olkepress.com xəbər verir ki, rayonun Heydər Əliyev adına mədəniyyət və istirahət parkında keçirilən şənlikdə şəhid ailələri, rayon rəhbərliyi, rayonun hüquq-mühafizə orqanlarının, idarə və təşkilatlarının kollektivləri, ictimaiyyət nümayəndələri, eləcə də rayon sakinləri iştirak ediblər.
Ətraflı

Novruz şənliyində sərgilənən çoxəsrlik maddi-mədəni irsimizi özündə əks etdirən eksponatlar rayon ictimaiyyətinin və qonaqların böyük marağına səbəb olub. Parkın bir tərəfində isə yeniyetmə və gənc idmançılar müxtəlif idman numunələri ilə çıxış ediblər. Sonra icra başçısı Novruz bayramı münasibətilə rayon ictimaiyyətini təbrik edərək bol ruzi-bərəkət və əminamanlıq arzulayıb.
Tədbirin sonunda ululuq və ağsaqqallıq rəmzi sayılan Dədə Qorqud, eləcə də Bahar qızı bayram münasibəti ilə rayon sakinlərini bir daha təbrik ediblər.