Türkiyədə zəlzələdən zərərçəkənləri daşıyan avtobus kömürlə dolu yük maşınına çırpılaraq qəzaya uğrayıb.
“Qafqazinfo” xəbər verir ki, bu haqda “Haber Global” məlumat yayıb.
Bildirilib ki, avtobus Hatayda universitetə hazırlaşan zəlzələdən zərərçəkmiş tələbələri Konadakı KYK yataqxanasına aparırmış.
Qəza zamanı müəllim Hanife Şahin və şagirdi Merve Gəncin həyatını itirdiyi, 6 nəfərin isə yaralandığı bildirilib.
Yaralanan 6 nəfər Adanadakı xəstəxanalara yerləşdirilib. Müalicə olunan yaralılardan ikisinin vəziyyətinin ağır olduğu deyilir.
Qeyd olunur ki, avtobusda 2-si sürücü və 2-si müəllim olmaqla 48 nəfər olub.