olkepress.com
olkepress.com

Keçmiş nazir müavininə VƏZİFƏ VERİLİR? - VİDEO

16-12-2021, 11:00

Keçmiş nazir müavininə VƏZİFƏ VERİLİR? -  VİDEO

“Gənclər və idman nazirinin keçmiş müavini İntiqam Babayev həbs edilə bilər. Müvafiq hüquq-mühafizə orqanları hazırda keçmiş nazir müavinin gənclər sektorunu idarə etdiyi 21 illik dövrü araşdırır”.

Bu barədə informasiya Editor.az-a məlumatlı mənbələrdən daxil olub.

Editor.az xatırladır ki, bir müddət öncə blogger Mehman Hüseynovun Gənclər və İdman Nazirliyi ilə bağlı hazırladığı araşdırma materialında da bu qurumda ayrı-ayrı vaxtlarda tenderlər çərçivəsində külli miqdarda vəsaitlərin müxtəlif MMC-lərə köçürülməklə “silindiyi” faktları ortaya qoyulmuşdu. Bu araşdırma materialında Gənclər və İdman Nazirliyi vasitəsi ilə külli miqdarda vəsaitlərin köçürüldüyü və dövlət səviyyəli tədbirləri təşkil etdiyi iddia olunan MMC-lərin sahiblərinin ümumiyyətlə baş verənlərdən xəbərsiz olduqları, kiçik miqdarlarda vəsait müqabilində müxtəlif sənədlərə imza atdırılaraq aldadıldıqları ortaya çıxmışdı.

Mənbəmiz iddia edir ki, araşdırma materialında üzə çıxarılan faktlar və bir sıra digər şübhəli məqamlar məhz İntiqam Babayevin kurasiya etdiyi sahəni əhatə edir.

Ümumiyyətlə internet üzərindən aparılan kiçik bir araşdırma nazir müavini işlədiyi dövrlərdə mətbuatda İntiqam Babayevin ünvanına müxtəlif yollarla dövlət vəsaitlərini talamaq, gənclər üçün nəzərdə tutulan dövlət mükafatlarını layiq olmayan şəxslərə təqdim etmək, ayrı-ayrı gənclər təşkilatlarının fəaliyyətini şəxsi maraqları əsasında iflic etmək kimi ağır ittihamlar səslənib. Keçmiş nazir müavininin adı mətbuatda hətta FETÖ-ya yaxınlıqda belə hallanıb.

Mənbəmizin iddiasına görə, İntiqam Babayev hazırda bütün imkanlarını işə salaraq Türk Dövlətləri Birliyinə daxil olan ölkələrdən birinə səfir təyinatı almaq üçün çalışır. Amma 21 illik nazir müavinini sürpriz gözləyir. Araşdırmalar bitdikdən sonra İntiqam Babayev üçün səfirliyin deyil, həbsxananın qapıları açıla bilər…



Ölkəpress.com


XƏBƏR LENTİ
BÜTÜN XƏBƏRLƏR
MARAQLI
ŞOU-BİZNES
TƏQVİM
«    Ocak 2022    »
PtSaÇrPrCuCtPz
 12
3456789
10111213141516
17181920212223
24252627282930
31 
MƏZƏNNƏ
 Valyuta məzənnəsi