44 gün ərzində əldə edilmiş qələbə bizim hərbçilərimizin peşəkarlığı sayəsində qazanılıb. 30 il ərzində orada nə qədər çətin istehkamlar qurulmuşdu.

Bu sözləri Prezident, Silahlı Qüvvələrin Müzəffər Ali Baş Komandanı İlham Əliyev 1 saylı Kliniki Tibbi Mərkəzdə müalicə olunan hərbçilərlə görüşü zamanı deyib.

O bildirib ki, bunu keçmək xüsusi peşəkarlıq tələb edirdi:

“Düşmən 30 il bu torpaqlarda hazırlıq işləri görüb. Bu onu göstərir ki, onlar bizim torpaqlardan öz xoşu ilə çıxmaq istəmirdi. O bu dövrlər ərzində bizi, vasitəçiləri aldadırdı. Döyüş meydanında işğaldan azad edilmiş torpaqların mənzərəsi də onu göstərir ki, düşmən Azərbaycan xalqına necə yanaşır. İşğal altında olan torpaqlarımızın 99 faizi dağıdılıb. Orada olan məktəblər, binalar, məscidlər, qəbiristanlıqlar dağıdılıb. Bu vandalizmdir. Biz bu görüntüləri mediada yayırıq, qoy hamı onların bu vandalizmini görsün. Bütün bu dağıntılar hesablanacaq. Bu əməllərə görə düşmən cavab verəcək”.

ÖLKƏPRESS.COM