Fransa prezidenti Emmanuel Makron Dağlıq Qarabağ məsələsində ədalətsiz mövqe göstərməklə seçilir.
İndi bu dövlət başçısından müsəlmanlara daha bir zərbə gözlənilir.

Olkepress.com Bizimyol.info-a istinadən xəbər verir ki, Makron Fransada böyük müzakirəyə və mübahisələrə səbəb olan “Ayrı-seçkiliklə mübarizə” layihəsini açıqlayıb. Layihə özündə bir çox qadağaları əks etdirir. Bunlardan biri də Fransada qadınların başını örtməsidir. Şirkətlərdə başını bağlamaqla işləmək mümkün olmayacaq.

Layihə dekabrda parlamentə təqdim ediləcək. Makron bununla respublika dəyərlərinə daha çox hörmət olunacağına inanır.

Camilərdə və dərnəklərdə din dərslərinə icazə verilməyəcək. Makronun dediyinə görə, ölkədə azı 60 min gənc dərnəklərdə ərəb dilini öyrənir. Bundan sonra yalnız məktəblər bu işlə məşğul olacaq.

Layihə Fransadakı müsəlman kəsimin heç ürəyincə deyil. Bununla bağlı ciddi etirazlar var.