Tbilisidə parlament binası yaxınlığında keçirilən mitinqlərdə iğtişaşların təşkili və iştirakında ittiham olunan daha iki nəfər saxlanılıb. Onlardan biri xarici ölkə vətəndaşıdır.

Bu barədə Gürcüstan Daxili İşlər Nazirliyi məlumat yayıb.

Rustaveli prospektindəki aksiyada təqsirləndirilən şəxslərin zorakılıq hərəkətləri edərək hüquq-mühafizə orqanlarının əməkdaşlarının qanuni tələblərinə tabe olmadığı, onlara müxtəlif əşyalar atdığı bildirilir.

Tbilisidə mitinqlər başlayandan indiyədək 28 nəfər saxlanılıb.
Gürcüstanda hökumət əleyhinə nümayişlər noyabrın 28-dən başlayıb. Buna səbəb isə Baş nazir İrakli Kobaxidzenin hakim “Gürcü Arzusu - Demokratik Gürcüstan” partiyasının Avropa İttifaqına üzvlüklə bağlı müzakirələr məsələsini 2028-ci ilin dekabrına qədər gündəliyə daxil etməməyi və həmin tarixə qədər Aİ-dən heç bir büdcə qrantı almayacağı barədə qərarı bəyan etməsindən sonra başlayıb.