ABŞ prezidenti Co Bayden gözlənilmdən bir beysbol oyununa tamaşa etməyə gəlib. Azvision.az xəbər verir ki, stadionda olan bir çox amerikalı bu gəlişi müsbət qarşılamayıb. Baydenin meydana daxil olması bəzi idmansevərləri qəzəbləndirib. Tribunalardan çəkilən görüntülərdə ölkə rəhbərinin avtoqraf verərkən insanların uğultu və fit çalaraq narazılıqlarını ifadə etmələri aşkar görünür. Bəziləri isə təhqiramiz ifadələr sələndirib.

Maraqlıdır ki, bu cür etirazlar respublikaçıların tərəfdarlarının əyləşdiyi tribunadan səslənib. Eyni zamanda, matçda olan demokratlar əks addım atıblar. Onlar Amerika liderini dəstəkləyərək ona komplimentlər səsləndiriblər.

Qeyd edək ki, bir müddət öncə Bayden Amerika mətbuatını aşağıladığı üçün tənqid olunmuşdu.



Ölkəpress.com