Hikmət Hacıyev: "Erməni separatçılarının lideri ağır yaralanıb"
Mən burdan Araik Arutunyanaya müraciət etmək istəyirəm. Araik Arutunyan, sən bunkerdə gizlənmişdin, Azərbaycan ordusu səni orada da tapdı. Ordumuzun dəqiq zərbəsi nəticəsində Araik Arutunyan ağır yaralanıb. Digər separatçıları da eyni aqibət gözləyir”.
Olkepress.com xəbər verir ki, bu fikirləri bu gün keçirilən brifinqdə Azərbaycan Respublikası Prezidentinin Administrasiyasının Xarici siyasət məsələləri şöbəsinin müdiri Hikmət Hacıyev səsləndirib.
O həmçinin Gəncənin Ermənistan ərazisindən raket atəşinə tutulması faktını təsdiqləyərək bildirib ki, Azərbaycanın şəhərlərinə qadağan olunmuş kasetli bombalar atılır.
Qeyd edək ki, Gəncə şəhərinə atılmış raket zərbəsi nəticəsində 1 nəfər ölüb, 4 nəfər yaralanıb. Evlərə və avtomobillərə ziyan dəyib.