Bərdə rayonu İcra Hakimiyyətinin başçısı Vidadi İsayev vəzifəsindən azad edilib.

Ölkəpress.com bildirir ki, Hit.Az-ın əldə etdiyi məlumata görə, bu barədə rəsmi sənəd yaxın saatlarda dərc ediləcək.

Qeyd edək ki, V.İsayev 15 ilə yaxındır ki, icra başçısı vəzifəsində çalışırdı. O, 2005-2011-ci illərdə Tərtər rayonu, 2011-ci ildən bu günə qədər isə Bərdə rayonu İcra Hakimiyyətinin başçısı idi.

AÇIQLAMA:

Bərdə rayonu İcra Hakimiyyətinin başçısı Vidadi İsayevin vəzifəsindən azad edilməsi ilə bağlı yerli kütləvi informasiya vasitələrində və sosial mediada bir sıra xəbərlər yayılıb.

Məsələ ilə bağlı Qazet.az-a açıqlama verən İcra Hakimiyyətinin sektor müdiri – baş mühasib Əsgər Əsayev bildirdi ki, yayılan xəbərlər həqiqəti əks etdirmir:

"Vidadi İsayev hazırda öz vəzifəsini icra edir. Hər kəs öz işindədir”, – deyə baş mühasib qeyd edib.