15 saylı Yasamal birinci seçki dairəsindən namizədliyini irəli sürmüş Yusif Seyfəlov ən iddialı namizədlərdəndir

Onun seçicilərlə ötən gün keçirdiyi görüşdə mindən yuxarı vətəndaş iştirak edib. Deputatlığa namizədlə görüşə gələn bu qədər seçici hələ olmamışdı. Bu, o deməkdir ki, seçici öz namizədinə inanır. Yusif Seyfəlovun platformasında bəzilərindən fərqli olaraq maraqlı məsələlər yer alıb. Belə ki, onun qərərgahında vətəndaşların qəbulu nəzərdə tutulub. Müxtəlif problemləri olan seçicilərə pulsuz hüquqi xidmət göstəriləcəyi, gənclərin işlə təmin olunmasına yardımçı olunacağı, yaşlı və əlillərə sağlamlığı üçün nəzərdə tutulmuş imtiyazlardan istifadə edilməsi və s. işlərdə köməklik göstəriləcəyi nəzərdə tutulub.
Yusif Seyfəlovun seçicilərlə növbəti görüşü 6 fevralda “Ağ çiçəyim” şadlıq sarayında keçiriləcək. Ümid edirik ki, bu görüş də izdihamla qarşılanacaq.

Ölkəpress.com