Vüqarlı xalqımın qürurlu oğlu.
Nə yaxşı tanıdım səni ay Vüqar.
Adına yaraşan ömür yaşayan.
Gözəl günlərini indi, say Vüqar.

Büdrəyən olanda dadına çatdın.
Yaxşıya qul olub pisi unutdun.
Allahın sevdiyi bir yolu tutdun.
Çətin ki tapıla sənə tay, Vüqar.

Ömür yolun heç də asan olmayıb.
Kim deyər ki şair qəlbin dolmayıb.
Şükür səni tanrı bizdən almayıb.
Qəm çəksə də olub daim nay, Vüqar.

Ömür bağın bərəkətli gül açıb.
Övladların ömrünüzə nur saçıb.
Almaxanım musiqidə iz açıb
Qismət olsun Yusifə də toy, Vüqar..

Altmış ili verməmisən yelə sən.
Baxma düşən qara saça telə sən.
Yaddaşlarda qalacaqsan hələ sən.
Bunu sənə İlqar yazdı pay Vüqar.
İLQAR BORANOĞLU.AĞDAM